शब्दीप्ता Feb’2016

संपादकीय..!!!

Feel The Content… But Ask For More..!!! हे ब्रीद वाक्य घेऊन, अनेक आघाडीच्या दैनिक, पाक्षिक, तसेच मासिकांच्या स्पर्धेत… आम्ही आपल्या सेवेत हजर होत आहोत; शब्दीप्ता Magazine च्या माध्यमातून… शब्दीप्ता म्हणजेच… शब्दांना दीप्त करणे.. स्वत:च्या लेखणीने शब्दांना दीप्त करुन साहित्य निर्मिती करणा-या अवलियांचा सन्मान करणे; हा आमचा प्रमुख उद्देश, आणि याच उद्देशास सफल करण्यात आमची साथ देत आहेत… महाराष्ट्रातील तरुण लेखक-लेखिका…

शब्दीप्ता हे एक eMagazine आहे… यात मराठी आणि English अश्या द्विभाषी साहित्याचा समावेश असेल… दर महिन्यातील संकष्टी चतुर्थी च्या दिवशी नवीन अंक प्रकाशित केला जाईल… ज्यात असेल, तुमच्या विचारांना प्रगल्भ करण्याच्या दृष्टिने उपयोगी खाद्य, विविध क्षेत्रातील मान्यवरांच्या मुलाखती, आणि विविध विषयांवरील चिंतनात्मक लेखन, तरुण लेखक-लेखिकांच्या नजरेतून…

पदार्पणातंच आम्ही आपल्या इच्छा, अपेक्षांची पुर्ती करण्याचं उद्दिष्ट डोळ्यांसमोर ठेवून आहोत.. नुकतेच ८९वे अखिल भारतीय मराठी साहित्य संमेलन पार पडलं.. नियोजित संमेलनाध्यक्षांच्या वादग्रस्त वक्तव्यांमुळे, आणि त्याचबरोबर उगाचंच उद्भवलेल्या लेखक-कवींच्या अभिव्यक्ती स्वातंत्र्याच्या प्रश्नामुळे हे संमेलन चांगलंच गाजलं.. परंतु ‘न भूतो न भविष्याती’ अश्या पद्धतीने केला गेलेला खर्च आणि त्यामुळेच प्राप्त झालेला दर्जा या गोष्टींमुळे हे साहित्य संमेलन तितकंच लक्षातही राहीलं..

याच महिन्यात मराठी भाषा दिन साजरा केला जातो.. खांडेकर, कुसुमाग्रज, विंदा, पुलं, पाडगावकर, जी.ए., मतकरीं सुरेश भट आणि अजून कित्येक.. यांसारख्या असंख्य दिग्गज लेखक-कवींनी मराठी भाषा आणि आपणा रसिकांच्या दरम्यान सेतू बांधण्याचं मोलाचं काम केलं आणि याच कार्यात आम्हीही अगदी खारीचा वाटा उचलण्याचं व्रत घेऊन आहोत.. यांसारख्याच प्रतिभावान लेखक-कवीचं साहित्य वाचून, अनुभवून आमच्या शब्दांना उजळवून आपणासमोर सादर करीत आहोत..

या website वर टाकण्यात आलेला प्रत्येक लेख तुम्हाला इथे एका Pdf fileच्या स्वरुपात देखिल उपलब्ध करुन देण्यात येईल… तुम्हाला फक्त इथे sign up करावं लागेल; चला तर मग, shubdeepta.com वर नि:शुल्क आपलं खातं काढा, आणि साहित्याच्या या नि:पक्षपाती झऱ्याचं अमृत प्राशन करुन तृप्ततेचा अनुभव घेण्यास तयार व्हा…!!!

मराठी भाषा दिनाच्या पूर्व संध्येला प्रकाशित होणारा शब्दीप्ता Magazine चा हा पहिला अंक.. कै. मंगेश पाडगावकर यांना समर्पित करीत आहोत..