सासवड (पुणे) चा राहणारा एक मुलगा गडहिंग्लज कॉलेज मधे B.A.M.S. ला प्रवेश काय घेतो.. अभ्यासाबरोबरच स्वतःतील कलागुणांना खतपाणी काय घालतो.. झी मराठी वाहिनीवरील अभिनयाच्या स्पर्धेत भाग काय घेतो.. ती जिंकतो आणि हास्य जगतात विक्रम घडवून आणणाऱ्या फू-बाई-फू मालिकेचा निवेदक म्हणून सर्वांच्या मनात घर काय करतो.. त्यानंतर त्याला व्यक्त होण्यासाठी एक भक्कम असा कार्यक्रम मिळतो.. आणि मग स्पर्धेतल्या बाकी सगळ्यांना ‘चला हवा येऊ द्या’ म्हणत त्याची गाडी सुसाट सुटते..
वरवर जरी सगळं सहज-सोपं वाटंत असलं.. तरी त्यामागचे प्रयत्न.. अडथळ्यांवर केलेली मात.. आणि स्वप्नपूर्तीसाठीचं झगडणं.. याबद्दल आजचे आघाडीचे निवेदक डॉ. निलेश साबळे यांना बोलतं करण्याचा प्रयत्न केलाय शब्दीप्ता Magazineच्या टिम ने..
